el principín

La xente tien estrelles que nun son les mesmes.Pa unos, los que viaxen, les estrelles guíen.Pa otros nun son más que llucecines.Pa otros, los sabios, son problemes.Pal negociante yeren oru.Pero toes estes estrelles nun falen.
Tú tendrás estrelles como naide nun les tuvo.
-¿Qué quies dicir?
-Cuando mires pal cielu, de nueche, como yo viviré nuna, como yo riré nuna, ha ser pa ti como si riesen toles estrelles. ¡ Tu tendrás estrelles que saben rir!. Y tornó a rir.
-Y cuando atopes consolancia (y siempre s'alcuentra) tarás contentu de conoceme.
Serás el mio amigu pa siempre.Tendras ganes de rir conmigo. Y de xemes en cuando abrirás la to ventana, asina... poque te presta... Y los tos amigos nun entenderán que rías mirando'l cielu.
Entós dirás-yos: "Si, les estrelles fanme rir siempre" y a ellos paecerás-yos llocu. Eso ye que te fixi una mala xugada.... Y tornó a rir:
- Será como si te diere, en vez d'estrelles.... una riestra llocarinos que saben rir.