23.4.07

camentando


Acerquense les elecciones y de sópitu, apaez el xeniu ensin llámpara dispuestu a concedete un deséu. Y tú, énte l'oportunidá la to vida, tasques los güeyos y pienses; faes un repás rápidu al desfile de suaños rotos y pides....
Y asina caes nel sacu, y asina mos meten adientro; van aportando les elecciones, les semeyes que mos xixilen al pasu per carreteres, cais y caleyes, la riestra de despropósitos y falses espectatives que mos apurren de baldre y en baldre. Y no fondero la típica recurrencia al deséu ayenu, al engañu, al afogar l'ilusión con metires, enguedeyos y xarros d'agua frío.
Dime lo que quies, que prométotelo darréu.
 Ye tan fácil ilusionanos como cuando yeramos guajes, l'unica diferencia ye que agora duel más saber que nun ye la primer vez que tropezamos. esi home na autopista sigui pidéndome'l votu...a lo menos sé que hai dellos enguedeyos nos que yá nun caigo. Que-y preste.
…
Yo sigo equí, cola murnia colos vales de tres deseos ente les manes y ensin saber en qué gastalos. Menos mal que entá tengo tiempu pa camentar a quien-y doi la oportunidá de manipulame ensin xaciu

ahi os queda

No hay comentarios: