NAST FILMS

NOTICIES

munchos medraron viendo a la familia telerin enantes de dir pa la cama llueu llegaron los lunis
y agora equi ficieron un nuevu tema pa que los guajes vayan pa la cama
llámase la marcha d'echase y podeis topala en canal 10 o por a web
o nel link http://www.youtube.com/watch?v=U-SZ3xuDKKI

asturies nun escaez

Hai 70 años los nuesos güelos y bisgüelos garraron el destín de les sos vides, baltiaron la so medrana y entamaron un camín ensin vuelta pola xusticia social. Nun teníen ná y ná teníen que perder.
Güei la sociedá capitalista fainos creer que lo tenemos too al alcance la mano, pero la verdá yeque les nueses vides tan hipotecaes polos bancos y vivimos pa trabayar, non trabayamos pa vivir. Vivimos pa pagar el pisu, el coche, la gasolina, los seguros y tolos productos que'l capital mos apurre.
Ayeri vivíamos apilaos, güei la vivienda ye un luxu pol que tenemos que tar pagando 30 años de la nuesa vida. La carestía d'anguañu mos va, pasu a pasu, hipotecando, esclavizando mentantu que mos pasen pol focicu porgüellos de les sos empreses con cifres que nun somos a albidrar. Y ye que al mesmu tiempo n'esta Europa que mos venden como el meyor de los modelos posibles ya malpenes que hai pobres, lo qu'hai son esclavos, esclavos del capital.

N'Ochobre del 34, con unes organizaciones sindicales fuertes, decidíes y xuníes pola Alianza Obrera, aquellos paisanos y paisanes intentaron tornar el poder, y munchos dieron la vida n'ello. Pero si daqué nun perdieron aquellos homes y muyeres, nin depués de derrotaos, foi la dignidá que caltienen, vivos y muertos, los lluchadores del 34

Anguaño llonxanos tan aquellos momentos prerrevolucionarios, vivimos tiempos de desesperanza y frustración ante un sistema globalizador escontra el que ye abondo difícil revolvese. Pero l'Ochobre asturianu nació muncho enantes. Los cambios sociales nun xorrecen de la nueche a la mañana y de xuru que nosotros nun vamos conocer nenguna otra revolución.

Pero podemos ser quién a vencer el miéu, y recuperar asina la nuesa dignidá



CoNCieRTu LLaNGRéu 7 D'oCHoBRe
Yera’l añu 93,
daqué acababa d’españar
la griesca parecía ser
David escontra Goliat.
Barricaes en Barros
torniellos, piedres y palos
la fábrica ocupada,
hai que pelear.
Dempués vendrán
les hosties per detrás
pero aguanta en firme
la solidaridá.
Fuelga de fame
la llucha va p’alantre.
Si la xente apoya
vien de xuru la victoria.
Equí, dieron en duru
Duro-Felguera, resistencia obrera.
¡Nun llores! ¡Llucha!
¡Nun llores! ¡Resiste!

INDEPENDENCIÁ PUXA ASTURIES DIXEBRA!

malabareando

estes fotos tienen tiempin pero ye que ultimamente tamos muy comodos nel sofa y nun nos movemos na
asina vese de la que teniamos pelu

la sidre bebida del mundiu

Tres aportar al llagar les mazanes, máyense nel duernu y sácase'l mostu, que garra'l nome de "sidra'l duernu" o "sidra dulce". Dempués de formentar un tiempu na pipa, espíchase, y embotéllase, bien pa guardar pal añu o bien pa vendela si'l llagar ye industrial. L'actu la espicha da llugar a un deles mas vieyes costumes asturianes, que ye axuntáse tolos collacios alrodiu duna pipa sidra con delles coses pa xintar (chorizu, tortiella, empanades, güevos cocíos…) y tar d'alderique y de cancios dica bien tarde.La Sidra Natural escánciase enantes de beber. L'escanciáu consiste n'echar la sidre dende la botella col braxu totalmete estiráu pariba nel vasu na mán contraria estirada pa baxo algamando la másima distancia ente la botella y el vasu.
El filu de lliquidu tien que romper cerca del borde del vasu espalmando. L'escanciáu ye relativamente reciente. Antañu serviase en vasu d'una xarra los dos de madera. El culín o culete bébese d'un tragu ensin dexalu morrer tres l'escanciáu.
Nes espiches nos llagares la sidre espichase dende les pipes de sidra.

Los demás tipos de Sidra bebense en vasu ynos tiempos que a caún-y preste

la seronda

La seronda ye tiempu pensatible, pa estudios graves y suaños de quien mira cuando los otros durmen y suaña cuando ta despiertu. La seronda, depués del carrusel del branu, tien daqué d’esquina afayadiza y grata: si salen agora a ver mundu fuera del espaciu urbanu comprobarán que’l mundu cambia a poco y a poco los colores del campu unos colores que garren otra tiez, otra tonalidá que prenuncia un tiempu —esperemos qu’asina sía—prestosu xunto al fueu del iviernu. El casu ye que la seronda yá ta equí depués de les escorribandes braniegues. Ye’l meyor momentu, digo, pa dar una revolada per ende y comprobar los signos de la historia nel rostru del país.

Yo nun soi conservador, nin no político nin no más estrictamente vital. Amo’l mio país asturianu y preocúpame’l so pasáu, el so presente y el so futuru. Tamién me doi cuenta que yo, como cualquiera, toi ente dos mundos: una Asturies que desaparez y otra qu’habrá nacer mañana. Digo too esto porque últimamente, cada vez que salgo a ver Asturies, nun la veo. ¿Ú la aquel campu ricu, cultiváu, aquellos montes mestos que convocaben el misteriu? Aliaráse too, pero vaya cómo s’alía: el cambiu climáticu, la especulación, la migración de les árees rurales a les urbanes… Nun sé, nun sé si tendrá igual.

Salgo y veo que cada día medren les autopistes. Nun sé aónde lleven, nin qué empreses se beneficien del so comerciu. Sé que la xente piensa que cuánta más autopista meyor y sé que yá tenemos más autopistes qu’Irlanda. La última vez que tuvi en Bélxica, un amigu asturianu sorprendióse de lo vieyes que taben ellí les autopistes: claro, aclaró otru, en Bélxica nun hai fondos mineros. Sé que medren les autopistes y los xalés adosaos: acaben de dicime que la veiga de Ripolles, en Pravia, va desaparecer tapecida por esa nueva sebe infecta, el xalé adosáu, y que yá tienen nun sé cuantes viviendes vendíes a vascos y madrileños. Lo mesmo me dicen de Cadavéu, de Llanes y Ribeseya y ún, nesta seronda, pregúntase: ¿vender el país ye la única manera de tirar p’alantre?

Serálo. Yo nun sé aónde lleva esto: dígolo con perplexidá. Posiblemente nun lleve a nundes. Queda, sin embargo, un suañu: vengo d’un país y puedo dar noticia d’él. Tamién los paisaxes que nos enseñen pela recién estrenada TPA: too ta tan curiosino que parez que nun hai escombreres, nin xalés adodosaos nin pales excavadores abriendo en canal la tierra. Esa Asturies cosmética parezse a la que conocimos, ye verdá; pero nun duel tanto como aquella.

xuan bello

valle moruuu

equí van les fotos de nuesa escursión a valle moru
muches rses pero mucha galdidura, asina que ya sabesi neños pa la proxima vegada esperobos tomand oalgo (fixu q'otros tamién)
entamamos bien pero pocu a pocu los pulmones abriense por eses cuestes inhumanes .
subiamos una cuesta esperando topar, al acabu la curva, la collada pero nanai otra cuesta y otra...
nos habien dicho unes paisanes que dempues de la primera collada era ya to tieso, asina que cuando llegamos sentamonos a descansar de rises pensando que se habia acabao lo peor


pero.. si oh les cuestes finaron pero empezó el barrizal con estos resultaos


la verdá que nos reimos mucho y aquello ye guapisimo aunque casi morimos nel intentu (por lo menos yo)


de toes maneres el paisaxe era guapisimu(no te jode estabamos en cá dios de alto) y aunque fue mucho caminar (pa algunos mas que pa otros) pasamoslo mu bien y aunque algunos volvimos otros siguieron caminado y se quedaron a dormir en un pueblin abandonau




y otros se echaron una siesta de lo más sonora camino a casa (bizcochin no te piques)

lagartiju

La mutación n'asturies (friki no??? )