rite!

Saca-yos los dientes, da-yos taragaños, rite na so cara y tórnate diañu. Envulvite na nueche, xiringa les estrelles mientres escupes-y a la lluna y darréu xuegues con elles.
Conquístamos el cielu, guárdame un requexu, vacía la mio tiesta y adoma el mio cuerpu; cántame una añada, suaña escuridaes, asítiame a mi nelles y vuelve a les andaes. Pasín ente pasín, caún al so abellugu, xuntinos pela sienda y enterrando xugos, encaxando les pieces que vamos atopando en furaquinos del tiempu, perdíes ente raigaños.
Al son de los cantares, al son del aire vieyu, al son les nueses voces, col arume del tiempu. Fai fuxir la llercia, dexa de cimblar, echate un gabitu y escuerre lo anormal.
Llánciame dacuando migayines de pan pa siguir el to camín y volver llueu al to llar. Prepara bien los nudiellos, hai qu'abrise camín; daquién habrá pol medio, nun t'apiades del probín....
¡Pero rite!, ¡dancia!, ¡bailla!, ¡esnala! que nesti llau del mundiu (ente nós) habita l'alcordanza. Y mientes mos llibren de nun mos escaecer, que naide se esmolezca....porque yá puen correr...

Rite qu'entá tamos xuntos...